Siglir tar il cuntegn
Inhalt

Exteriur Alpinist tudestg sa disgrazià al Piz Buin

La sonda enturn mezdi è in alpinist tudestg (49) sa disgrazià cun descender dal Piz Buin. Quai communitgescha la polizia dal Vorarlberg.

Il Piz Buin Grond ed il Piz Buin Pitschen da la vart svizra cun naiv
Legenda: Piz Buin Il Piz Buin Grond ed il Piz Buin Pitschen da la vart svizra Armon Schlegel

L’um saja crudà davant ils egls da sia partenaria radund 200 meters sur in spitg giu sin il glatscher dal Ochsental. Tar questa crudada haja el sa blessà mortalmain vi dal chau, scriva la polizia en ina communicaziun. La polizia suppona, ch’el haja pers l’equiliber suenter in passadi decisiv tar la prova da pender ora sia segirezza persunala.

Il disgrazià era commember dad ina gruppa da quatter persunas dal club da las Alps tudestg. El lascha enavos trais uffants.

Pervi da tschajera è la bara vegnida transportada l’emprim da forzas da salvament alpin avant ch’il helicopter da la polizia ha pudì surpigliar il transport.

RR novitads 17:00