Siglir tar il cuntegn
cuntegn

Exteriur Almain 90 morts al terratrembel en il Mexico

3 dis suenter il ferm terratrembel en il Mexico è il dumber dad unfrendas s’augmentà sin passa 90 morts. Quai han communitgà las autoritads localas.

ruinas e schuldads che rumeschan
Legenda: Gidanters e schuldads continueschan cun las lavurs da rumida qua en Oaxaca. Keystone

En la provinza Oaxaca, ch'è pertutgada il pli fitg, èn 71 persunas morta, communitgescha l'uffizi mexican per protecziun civila. Latiers vegnan almain 15 persunas mortas en la provinza Chiapas, ed ulteriuras 4 persunas mortas en la provinza Tabasco.

Populaziun tema terratrembels posteriurs

En la provinza Veracruz èn passa 70'000 persunas senza current electric pervi dal stemprà «Katia» ch'ha furià sonda en il Mexico – permez las lavurs da rumida. Là sajan mortas 2 persunas tar bovas.

Blers evacuads na gughegian betg da turnar en lur chasas. La tema è gronda che las chasas sballunian anc tar eventuals terratrembels posteriurs.

Terratrembel il pli ferm dapi 80 onns

Entant continueschan las lavurs da rumida. Cunzunt en las provinzas dal sid dettia quai gronds donns. Pliras chasas sajan sballunadas. Er plirs ospitals sajan vegnids donnegiads. Il terratrembel da gievgia saira ha gì ina fermezza da 8,1 e saja il pli ferm dapi passa 80 onns.

RR novitads 10:00