Siglir tar il cuntegn
Inhalt

Exteriur Almain 5 unfrendas tar attatga en l'India

Tar in'attatga sin in post da polizia en il nord da l'India èn almain 5 persunas mortas. Tenor indicaziuns uffizialas han ils attentaders sajettà giu 2 policists e 3 civilists datiers dal cunfin cun il Pakistan en il stadi federativ Punjab.

In schuldà da l'armada da l'India durant il cumbat a Dinanagar.
Legenda: In schuldà da l'armada da l'India durant il cumbat en la citad Dinanagar. Keystone

Fin ussa n'ha nagin surpiglià la responsabladad per l'attatga. Sin binaris en la vischinanza haja ins chattà 5 chargias explosivas. L’armada haja pudì neutralisar questas chargias. Be 200 meters avant las bumba haja in tren pudì sa fermar.

Sco las medias localas rapportan saja er in bus vegnì attatgà ed in auto vegnì rapinà.

RR novitads 15:00