A South Carolina regia anc adina stadi d'urgenza cun vias e chasas inundadas suenter las plievgias da record dals ultims dis. Tschients persunas han stuì vegnir spendradas or dad autos ch'eran stads airi u or da chasas inundadas. Millis èn senz'electricitad e numerusas vias, punts ed autostradas èn serradas.
La mendra plievgia dals ultims 1'000 onns
La guvernatura Nikki Haley appellescha a la populaziun da restar a chasa ed evitar d'ir per las vias inundadas. Quai saja la mendra plieviga dapi 1'000 onns, ha ditg Haley ad ina conferenza da pressa. Per la notg passada aveva l'administraziun da South Carolina ordinà ina scumond da sortir.
Pertutgada è la costa da l'ost dals Stadis Unids, da South Carolina fin a Delaware. Il ministeri da traffic dals Stadis Unids avertescha da la situaziun extremamain privlusa ed avertescha d'ulteriuras inundaziuns.
RR novitads 06:00/11:00