Siglir tar il cuntegn
cuntegn

Exteriur Almain 49 morts tras explosiuns en la Nigeria

In’attatga dubla sin in martgà en il nordost da la Nigeria maina a la mort d'almain 49 persunas. Tar l'attatga en la citad da Gombe sajan ultra da quai 71 persunas vegnidas blessadas, ha ditg in pledader da las forzas da salvament.

Scena suenter in'attatga terroristica.
Legenda: La gruppaziun terroristica Boko Haram vul eriger in stadi stric islamic. Reuters

Pliras da quellas persunas sajan blessadas uschè grev ch'il dumber d'unfrendas pudess anc crescher.

Fin uss n'ha nagin surpiglià la responsabladad per l'attatga. La moda da l'attatga lascha dentant supponer che la gruppa da terror islamistica Boko Haram è la culpa.

RR novitads 07:00