Almain 47 morts tar attatga cun in camiun en la Libia

En la Libia èn mortas almain 47 persunas tar in'attatga cun in camiun en la citad Sliten. Passa 100 persunas sajan blessadas, quai tenor indicaziuns da l'agentura da novitads statala LANA.

persuna blessada tar il medi

Legenda da maletgs: Passa 100 persunas sajan vegnidas blessadas tar l'attatga, rapporta l'agentura da novitads statala. Keystone

Tenor il cussegl da la citad saja in camiun ch'era chargià cun material explosiv explodì datiers d'ina gruppa da policists.

Il mument n'ha anc nagin declerà d'avair fatg l'attentat. Attatgas sumegliantas hai dà en il passà da gruppaziuns datiers da la milissa terroristica Stadi Islamic.

RR novitads 15:00