- Tar diversas explosiuns a Kabul sajan almain 40 persunas mortas - ulteriuras 84 blessadas.
- Agenturas rapportan da divers dumbers da morts e blessads. Uschia vegniva ditg discurrì da 40 morts e 38 blessads.
- Il Stadi Islamic ha reclamà l'attatga.
Tenor il pledader dal ministeri da sanadad afgan sajan 41 persunas mortas e 84 persunas vegnidas blessadas tar l'attatga. Avant aveva il pledader da la regenza discurrì da 34 enfin 40 morts e 38 blessads.
Pliras detunaziuns en il conturn d'in center da cultura
Sco autoritads localas rapportan saja ina persuna sa siglientada en l’aria en vischinanza d’in center da cultura. Cura che persunas sajan vegnidas vitiers per gidar sajan duas ulteriuras bumbas detunadas avant il bajetg. En tut sajan 4 persunas vegnidas mazzadas. Ulteriuras 38 persunas sajan blessadas. Fin uss n’ha nagin surpiglià la responsabladad per l’attatga.
Tenor medias sajan students ed academichers s’entupads en il center da cultura che sa chatta en in quartier schiit.
RR novitads 11:30