Siglir tar il cuntegn

Exteriur Almain 13 persunas najadas en la Mar Egeica

Davant l'insla greca Farmakonisi ha ina bartga da fugitivs fatg naufragi. Tenor indicaziuns da la guardia da costa èn almain 13 persunas najadas.

bartga cun fugitivs sin la mar
Legenda: Tenor l'Organisaziun per migraziun internaziunala èn 3'700 persunas mortas tar l'emprova da fugir sur la Mar Mediterrana; quai il 2015. Keystone/mad guardia costa taliana

La guardia da costa haja pudì salvar 15 persunas. Almain 13 persunas sajan mortas, ed in'ulteriura persuna saja anc sparida. Gia ier eran 11 fugitivs najads en la Mar Egeica davant la costa tirca.

Tenor indicaziuns da l'Organisaziun per migraziun internaziunala èn quest onn passa 1 milliun fugitivs arrivads sur la Mar Mediterrana en l'Europa. Radund 3'700 persunas èn mortas tar l'emprova.

RR novitads 12:00