- Tar in incendi a New York èn tenor il burgamester Bill de Blasio 12 persunas mortas.
- Ulteriuras persunas sajan blessadas - tschertas grevamain.
- Radund 170 persunas èn stadas en acziun per stizzar il fieu.
Tenor ils pumpiers èn passa 170 persunas stadas en acziun per stizzar il fieu en il quartier da Bronx. 12 persunas hajan pudì vegnir salvadas. Ins tschertgia però anc adina ulteriuras unfrendas. Tranter las unfrendas è er in uffant pitschen. Tenor rapports da medias saja il fieu rut ora curt en la terza auzada. La raschun per l'incendi n'è dentant anc betg clera.
Il burgamester da New York Bill de Blasio discurra dad ina da las pli grondas catastrofas dals davos 25 onns.
RR novitads 06:00