Siglir tar il cuntegn

Header

partruglia civila sin in auto
Legenda: Patruglia civila cunter Boko Haram a Maiduguri (matg 2014). Reuters
cuntegn

Exteriur Allianza cunter Boko Haram

L'Uniun Africana vul tschentar ina truppa regiunala da 7'500 schuldads cunter la gruppa extremista Boko Haram.

L'uniun Africana sa cusseglia anc enfin sonda ad Addis Abeba davart l'agir cunter Boko Haram. Ils crims sgraschaivels dals islamists e lur "spretsch cunter la vita umana" sajan senza paregl hai gì num a l'inscunter dal cussegl da pasch e segirtad en la chapitala da l'Etiopia.

Consequentamain stoppian tut ils pajais da la regiun mobilisar in'allianza multinaziunala cun 7500 schuldads. Las attatgas dals extremists en il nordost da la Nigeria avevan cuntanschì las davosas emnas dimensiuns maiudidas.