Siglir tar il cuntegn
Inhalt

Exteriur Alitalia: Persunal refusa plan da salvar la societad

Turbulenzas vehementas per Alitalia. Il persunal da la societad aviatica taliana refusa il plan da salvament: I smanatscha il concurs.

Aviun da l'Alitalia.
Legenda: Ils aviuns da l'Alitalia ston forsa bainprest restar per terra. Keystone

La saira avevan las vuschs da na gia surpassà ils 50% e quai anc avant che tut las vuschs èn stadas dumbradas. Tenor medias talianas èn radund 90% dals passa 12'000 collavuraturs sa participads a la votaziun.

La gritta dals lavurants ha gudagnà.
Autur: Represchentant dal sindicat

Per salvar la societad aviatica avessan stuì vegnir stritgadas 1700 plazzas e las pajas fissan vegnidas scursanidas per 8%. Cun questas mesiras e cun novs agids finanzials dals participaders han ins pruvà da mantegnair il manaschi da l'Alitalia.

Alitalia tutga per 49% a la societad aviatica araba Etihad dad Abu Dhabi sco era a la banca Unicredit ed Intesa Anpaolo. Il primminister Paolo Gentiloni ha dacurt avertì che Alitalia na po betg surviver senza questa sminuziun da persunal.

La regenza taliana aveva punctuà avant la votaziun ch'i na dettia nagina alternativa. A l'Alitalia smanatscha ussa il concurs.

RR novitads 06:00