Siglir tar il cuntegn
cuntegn

Exteriur Alexis Tsipras survegn il sustegn dal parlament grec

Il primminister grec Alexis Tsipras ha gudagnà ina votaziun da confidenza en il parlament. Tut ils 155 deputads da la coaliziun da la sanestra-dretga èn sa mess davos el. 144 deputads han vuschà cunter Tsipras. Cunquai ha el cuntanschì la maioritad absoluta en il parlament da 300 sezs.

Alexis Tsipras discurra avant il parlament.
Legenda: Il parlament grec ha sustegnì il primminister Alexis Tsipras. Keystone

Ussa sto il primminister realisar il program da spargn per pudair quintar cun ulteriur agid finanzial dals partenaris da l'UE. Uschè spert che las pretaisas sajan ademplidas veglia el negoziar davart ina restructuraziun dals debits, ha accentuà Tsipras.

RR novitadas 06:00