La notg passada ha la citad siriana Aleppo patì da las pli grevas attatgas ord l'aria dapi mais. Quai han communitgà rebels ed il Post d'observaziun sirian per ils dretgs umans. L'armada siriana n'ha fin uss betg prendì posiziun ed era en las medias statalas n'èn las attatgas betg vegnidas menziunadas.
Entant ha il minister da l'exteriur american John Kerry pretendì da la Russia e da la Sira che las attatgas cun aviuns chalian immediat.