Siglir tar il cuntegn

Exteriur Aleppo – attatga cun gas toxic

Ulteriur terrur per la citad assediada en Siria: Tenor activists han las truppas dal reschim Assad duvrà gas toxic per attatgas ad Aleppo.

Ina via destruida, ruinas a dretg'e saniester, tranteren pitschen in per persunas.
Legenda: Abitants dad Aleppo guardan donns dad in'attatga dad aviuns - 300'000 persunas èn serradas en actualmain en la citad siriana. Keystone

Sch'ils rapports sa verifitgeschian lura sa tractia d'in crim da guerra ha ditg l'incumbensà spezial da l'ONU per la Siria, Staffan de Mistura. L'ONU examineschia ils rapports.

Tenor las accusaziuns duain plirs helicopters avair bittà giu la chemicalia corrosiva e potenzialmain mortala. Almain trais persunas sajan mortas en consequenza dal tissi.

RR novitads 06:00

Aleppo - la citad assediada

Aleppo stad en il center da la guerra civila en Siria. L'anteriura metropola economica vegn assediada dapli emnas. 300'000 persunas èn serradas en sut cundiziuns dramaticas. Organisaziuns d'agid teman ina catastrofa umanitara. La Russia aveva annunzià ina pausa da cumbat quotidiana per pussibilitar agid. Quella n'è dentant betg vegnida tegnida en.