Siglir tar il cuntegn
Inhalt

Exteriur Alarm da terror a Rotterdam

A Rotterdam en ils Pajais Bass è in concert vegnì ditg giu pervi dad in alarm da terror. Quai ha confermà la polizia ollandaisa.

Acziun da polizia sin areal a Rotterdam.
Legenda: La polizia ollandaisa ha segirà il conturn. Keystone

Mesemna saira è in concert da pop da la band americana «Allah-Las» vegnì ditg giu pervi d'in avertiment da terror. Radund 1'000 aspectaturs eran annunziads per il concert. Forzas da segirezza han segirà il conturn da la halla da concert. Tenor indicaziuns uffizialas saja l’avertiment da terror vegnì da la polizia spagnola.

Sin l’areal haja la polizia ollandaisa chattà in auto cun numer spagnol, en quel eran buttiglias da gas. Malgrà che la polizia spagnola ha avertì ils Ollandais d'in eventual privel, na stat l'incident tenor la giustia spagnola betg en connex cun l'attentat a Barcelona. Il president da la citad da Rotterdam ha ditg la mesemna saira ch'i na saja anc betg cler, schebain la desditga dal concert ed il bus plain buttiglias da gas stettian en connex. Il manischunz dal bus saja arrestà e vegnia interrogà.

RR novitads 23:00