Siglir tar il cuntegn

Header

Navigaziun

Alain Juppé na vul betg daventar proxim president da la Frantscha.
Legenda: Alain Juppé na vul betg daventar proxim president da la Frantscha. Keystone
cuntegn

Exteriur Alain Juppé na vul betg

L'anteriur primminister franzos Alain Juppé na vegn definitivamain betg a candidar per l'elecziun dal president da la Frantscha.

Sco Juppé ha ditg na possia el betg pli unir la partida conservativa, quai saja uss memia tard. El na represchentia betg la nova entschatta politica ch’il pievel giavischia, ha Juppé ditg avant las medias.

Critica envers François Fillion

Juppé ha il medem mument crititgà il candidat uffizial conservativ François Fillion. La tactica da defensiun cunter las offensiuns massivas ed il cumplot haja purtà Fillion en ina via tschorva.

Il cumbat electoral da Fillion patescha dapi emnas dal suspect d'avair emploià sia dunna sin custs dal stadi. Ils ultims dis avevan numerus politichers da sia partida pretendì che Fillion retiria sia candidatura e numnà Juppé sco pussaivel candidat per ils conservativs.

RR novitads 12:00