Al-Assad betg persvadì da las attatgas americanas sin il SI

Il president sirian Baschar al-Assad dubitescha che las attatgas americanas sin ils cumbattants dal Stadi islamic SI sajan effectivas.

Purtret dal president sirian Baschar al-Assad.

Legenda da maletgs: Tenor Baschar al-Assad sajan dapli las attatgas americanas dapli persunas idas tar il Stadi islamic. Keystone

Localmain sa mussian resultats positivs, ha Assad ditg en in'intervista cun in emettur da televisiun american. Dapi il cumenzament da las attatgas sajan dentant dapli cumbattants entrads en la gruppa da terror Stadi islamic. Mintga mais recruteschia il Stadi islamic millis da cumbattants novs. En auters pajais, sco p.ex. l’Irac u la Libia, fetschian ultra da quai era pli e pli blers extremists da l’Al-Kaida part dal Stadi islamic.

RR novitads 12:00