Siglir tar il cuntegn
cuntegn

Exteriur Air Berlin – Uss èsi definitivamain a fin

La societad insolventa ha sistì il traffic aviatic. Curt avant mesanotg è la davosa maschina sa tschentada a l’eroport Berlin-Tegel.

pumpiers da Berlin-Tegel beneventan l'ultima maschina dad Air Berlin cun funtaunas d'aua
Legenda: In bainvegni spezial per l'ultima maschina da la Air Berlin a Berlin-Tegel. Keystone

La maschina era partida da Minca. L'ultim sgol era vendì or. A bord era er l'anteriur schef da l'interpresa Joachim Hunold. Ils pumpiers da la plazza aviatica a Berlin-Tegel han beneventà l'ultima maschina da la Air Berlin cun funtaunas d'aua.

Entaifer bunamain 40 onns ha la segund gronda societad aviatica tudestga transportà passa ina mesa milliarda passagiers. Quai ha communitgà Air Berlin.
Lufthansa ed Easyjet surpiglian mintgamai ina part dad Air Berlin.

RR novitads 09:00