Siglir tar il cuntegn

Exteriur AI discurra da 200 unfrendas civilas d'attatgas russas

Dal settember fin il november èn almain 200 civilists sirians morts pervi d'attatgas ord l'aria dal militar russ. Quai scriva l'organisaziun per dretgs umans Amnesty International davart 6 attatgas en las citads da Homs, Idlib ed Aleppo.

In bajetg donnegià en la Siria.
Legenda: In bajetg donnegià en la provinza da Idlib, tenor indigens pervi d’attatgas russas il cumenzament da december. Reuters

Tranter auter sajan ina moschea, ina fiera ed indrizs medicinals vegnids tutgads. Latiers dettia indizis che la Russia haja duvrà muniziun da fragmentaziun e bumbas senza in sistem da pilotar en territoris abitads.

Per ses rapport ha Amnesty International, tenor atgnas indicaziuns, dumandà perditgas ed analisà fotografias e videos.

RR Novitads 06:00