Exteriur - Agir pli resolut cunter messadis d'odi en la rait
Reagir pli spert sin instigaziun en l'internet cunter esters e persunas d'autra confessiun u cunter appels a violenza: L'Uniun europeica è sa cunvegnida cun Facebook, Twitter, Youtube e Microsoft sin in agir pli resolut cunter messadis d'odi en la rait.
Sco quai che la cumissiun da l'UE ha communitgà, oblighescha in codex da cumportament las interpresas d'examinar e d'eliminar entaifer 24 uras tals commentaris d'odi illegals.
Las gruppaziuns terroristicas dovran il pli savens las medias socialas per radicalisar persunas giuvnas e rassists nizzegian questas plattafurmas per propagar violenza ed odi.
