Aleppo stad en il center da la guerra civila en Siria. Qua sa concentreschan ils cumbats da las truppas dal reschim Assad, da rebels, SI, la Russia ed autras gruppas d’interess. L'anteriura metropola economica vegn assediada dapli emnas. 300'000 persunas èn serradas en sut cundiziuns dramaticas. Organisaziuns d'agid teman ina catastrofa umanitara.
La regenza tudestga sa cusseglia cun las Naziuns Unidas, ils Stadis Unids da l'America e la Russia co ins possia gidar uschè svelt sco pussaivel als umans serrads en en ad Aleppo. Els dovran urgentamain agid umanitar, cunzunt medicaments - uschia Steinmeier envers la gasetta «Welt am Sonntag».
Sch’igl saja er vinavant betg pussaivel da gidar a las persunas en las dus parts dad Aleppo haja da vegnir examinada ina punt aviatica, ha cuntinuà Steinmeier.
