Siglir tar il cuntegn

Header

cuntegn

Exteriur Agid finanzial per purs da l'UE

La cumissiun da l'Uniun europeica vul sustegnair ils purs cun in vast pachet d'agid finanzial. Quai ha ella decis a Brüssel.

Demonstraziuns a Brüssel

Avrir la box Serrar la box

Enturn 6'000 purs han demonstrà glindesdi a Brüssel a chaschun da l'inscunter dals ministers d'agricultura da l'UE. Els han pretendì mesiras cunter il pretsch sbassant per il latg.

Intgins purs avevan demolì barricadas da vias cun lur tractors. La polizia ha duvrà chanuns d'aua cunter ils purs.

Tenor il viceschef da la cumissiun, Jyrki Katainen, munta quest pachet d'agid a 500 milliuns euros ed el po vegnir duvrà per gidar ils purs immediat.

Ils daners èn gia avant maun

Tenor diplomats da l’UE derivia questa summa d'ina taxa ch’ils purs da latg stuevan pajar fin la primavaira. Ella saja uschia gia en la bilantscha da l’UE e possia perquai vegnir duvrada senz’il consentiment d’auters stadis da l’UE.

Sustegniar cun novs martgads d'export e cun pajaments

Cunzunt ils producents da latg e da charn da portg pateschian da las crudadas da pretschs. Perquai duajan ils purs far diever da novs martgads d'export. Plinavant duajan els vegnir sustegnids sch'els sajan en difficultads da pajament. Dentant è l'UE encunter da reglar la producziun da latg cun quotas. Quai en vista als pretschs che crodan.

RR novitads 18:00

Artitgels legids il pli savens