Siglir tar il cuntegn
Inhalt

Exteriur Agid finanzial da l'IWF per l'Ucraina

Il Fond monetar internaziunal IWF è sa cunvegnì cun l'Ucraina davart in agid finanzial da milliardas. Sco quai che la scheffa da l’IWF Christine Lagarde ha ditg, duai l’Ucraina survegnir passa 17,5 milliardas dollars ils proxims 4 onns.

La scheffa dal fond monetar internaziunal, Christine Lagarde
Legenda: Tenor Christine Lagarde duai l'Ucraina survegnir passa 17,5 milliardas dollars. Keystone

Ils gremis dal fond stoppian dentant anc dar glisch verda. L'Ucraina duai plinavant survegnir daners dad autras funtaunas, uschia per exempel da l'Uniun Europeica.

Tut en tut possia il pajais far quint cun radund 40 milliardas dollars. La regenza a Kiew saja pronta da realisar refurmas cumplessivas, uschia Lagarde. (sda/fc)

(RR novitads a las 12:00)

Tenor Christine Lagarde duai l'Ucraina survegnir passa 17,5 milliardas euros. (Keystone)