Siglir tar il cuntegn
Inhalt

Exteriur Afghanistan: Mazzads sis collavuraturs dal IKRK

En il nord da l’Afghanistan èn vegnids mazzads sis collavuraturs dal comité internaziunal da la crusch cotschna. Quai ha in pledader confermà a l’agentura da novitads dpa.

In pastur cun sias nursas.
Legenda: In pastur tschertga pavel per sias nursas Fotografia dals 6 da favrer, suenter grevas navadas ch'han causà la mort dad almain 135 persunas en Afghanistan. Keystone

Dus ulteriurs collavuraturs sajan vegnan rapinads. En ina communicaziun scriva l’organisaziun, ch’il team era da viadi en ina provinza en il sid dal pajais per ina furniziun urgenta da rauba a purs da biestga.

«Quai è detestabel. Nagut po giustifitgar il mazzament da noss collegas e chars amis» ha ditg la directura da l’IKRK en Afghanistan, Monica Zanarelli. Peter Maurer, il president da l’IKRK, ha ditg, che tut guardia ora sco sche l’attatga fissi stada intenziunada. I saja ina tragedia:

Da tut las unfrendas sa tractia da persunas da l’Afghanistan. Fin uss n’ha nagin surpiglià la responsabladad per l’attatga. Las autoritads localas fan però responsabla l’organisaziun terroristica Stadi Islamic per l’attatga.

RR novitads 17:00