Exteriur - Afghanistan: 16 morts tar attatga sin ospital
En la citad afgana Kundus èn mortas almain 16 persunas tar attatgas sin l'ospital da l'organisaziun «medis senza cunfins». 37 persunas sajan per part ferm feridas, uschia la pledadra da l'organisaziun.
Tenor l'organisaziun d'agid sajan parts da l'ospital vegnidas destruidas tras las attatgas or da l'aria nocturnas. Tgi ch'è responsabel per quellas attatgas n'è anc betg cler.
Ils Taliban avevan conquistà la citad da Kundus glindesdi passà. Truppas da la regenza afgana emprovan d'avair sut controlla la citad.
