Siglir tar il cuntegn

Exteriur Afganistan: Radund 4 milliuns uffants na van betg a scola

Passa 16 onns suenter las massivas stentas d'agid internaziunalas n'han prest la mesadad dals uffants tranter set e 17 onns nagin access a la furmaziun.

mattatscha che scriva en ses carnet en ina scola en l'Afganistan
Legenda: La gronda part dals uffants n'han betg la pussaivladad d'ir a scola ubain che la furmaziun è manglusa. Keystone

Quai resulta d'in nov rapport da l'organisaziun d'agid per uffants da las Naziuns Unidas, Unicef. Raschuns sajan surtut la guerra cun la Taliban e la milissa da terror Stadi Islamic sco er la povradad che creschia. En consequenza ston anc dapli uffants lavurar e mattas vegnan dadas èn letg baud.

La situaziun da scolaziun e furmaziun en l'Afganistan vegn adina mendra dapi che la missiun da la NATO è ida a fin il 2014. En blers lieus saja quai fitg malsegir er perquai ch'ils Taliban restads nizzegian las scolas cun serrar ellas e surpigliar la controlla per far squitsch sin la regenza. Uffizialmain èn tenor la regenza serradas radund 1'000 scolas.

RR novitads 10:00