Siglir tar il cuntegn

Header

cuntegn

Exteriur Affera e-mail: Clinton renviescha rinfatschas

La candidata per il presidi american, Hillary Clinton renviescha rinfatschas ch'ella haja tramess novitads electronicas cun cuntegn secret da ses conto dad e-mail privat.

Ella n'haja mai tramess ubain survegnì novitads confidenzialas sur ses e-mail privat, ha Clinton ditg ad Iowa. L'inspectur general dal servetsch secret è dad in’autra opiniun. El di che Clinton haja tramess durant ses temp sco ministra da l'exteriur almain quatter infurmaziuns secretas sur ses conto privat. Ils republicans èn persvadids che Clinton haja vulì guntgir uschia leschas da publicaziun da tschertas infurmaziuns.

Ils democrats teman che l’affera fetschia donn a la candidatura e stgatschia electurs. Clinton vala sco candidata pli empermettenta dals democrats per las elecziuns il november 2016.

RR novitads 12:00

Artitgels legids il pli savens