Siglir tar il cuntegn

Header

Navigaziun

Indrizs dal BND.
Legenda: Central è la dumonda: Tgi ha savì da la practica eventualmain illegala e tgi ha ordinà ella? Keystone
cuntegn

Exteriur Affera da spiunascha en Germania s'extenda

L'affera da spiunascha tar il servetsch secret tudestg BND s'extenda: El na duai betg mo avair gidà tar acziuns dal servetsch secret american. Tenor rapports da medias duai il BND er avair spiunà ora sez stadis da partenari da l'UE.

Las acziuns da spiunascha dal BND cunter stadis da partenari da l’UE va enavos fin l’onn 2013. Tranter auter duai il servetsch secret avair spiunà l’America e la Frantscha. Quels stadis na tutgan explicitamain betg tar l’incarica da la regenza tudestga per il BND.

Interrogaziun da collavuraturs dal BND è planisada

La regenza tudestga haja infurmà il gremi da controlla en il Bundestag, rapporta il «Spiegel Online». Ils deputads veglian immediat trametter ina gruppa da lavur en la centrala dal BND per interrogar ils collavuraturs.

Al servetsch secret vegn renfatschà d'avair tadlà giu politichers ed interpresas europeicas per incumbensa dal NSA.

RR novitads 08:00