Exteriur - Adversaris vulan intensivar il commerzi
L'Iran e la Tirchia vulan intensivar il commerzi vicendaivel, quai è il resultat dad in inscunter tranter il president tirc Recep Tayyip Erdogan e ses collega d'uffizi iranais Hassan Rohani.
Il volumen dal commerzi pudessi spert sa dublegiar sin passa 30 milliardas dollars, hai gì num suenter il discurs a Teheran. Sin las differenzas tar la politica da l'exteriur n'èn omadus presidents strusch entrads. La Tirchia sustegna la coaliziun cunter ils rebels en il Jemen e l'opposiziun en Siria, l'Iran percunter ils rebels en il Jemen e la regenza siriana da Baschar al-Assad.
