En pajais sco l’Irac, la Siria, la Nigeria, il Jemen, il Myanmar ed il Sudan dal Sid tutgan violaziun, sclavaria, maridaglias sfurzadas e rapinament tar la tactica dals attatgaders. Plinavant datti er milliuns uffant sche pateschan da malsognas, alimentaziun manglusa sco era traumas.
Attatgads vegnian uffants tenor UNICEF a chasa, en scolas ni era sin plazzas da gieus. Tala brutalitad na dastgia betg daventar normalitad, uschia il directur dad UNICEF Manuel Fontaine.
700 uffants morts be en l'Afganisatan
Tenor indicaziuns da l'Unicef sajan sulettamain en l'Afganistan 700 uffants vegnids per la vita. Quai be en ils emprims nov mais da l'onn. En la Nigeria ed en il Camerun haja la gruppa terroristica Boko Haram sfurzà almain 135 uffants d'agir sco attentaders da suicidi. En il Jemen sajan suenter bunamain 1000 dis da guerra radund 5000 uffants vegnida mazzads u blessada. Dapli che 11 milliuns uffants dovrian agid.
RR novitads 06:00