Proteger ils dretgs umans vegn sin l'entir mund adina pli difficil. Tenor l'organisaziun per la defensiun dals dretgs umans, «Amnesty International», vegn questa protecziun era adina dapli attatgada e sutminada da regenzas. Uschia scriva l'organisaziun en ses rapport annual.
«Amnesty International» crititgescha era la Svizra per sias inizativas dal pievel inimias als dretgs fundamentals. En spezial vegn numnada l'iniziativa d'autodeterminaziun che vul metter il dretg svizzer avant dretg internaziunal public.
Entras l'expressiun "derschaders esters" laschia l'iniziativa crair ch'il Tribunal europeic dals dretgs umans a Strasbourg saja in'instituziun nua che la Svizra na saja betg preschenta.
RR novitads 06:00