Siglir tar il cuntegn
Inhalt

Exteriur Adina damain studis clinics en Svizra

La procedura da permissiun da studis clinics duai vegnir simplifitgada. Quai pretenda la federaziun tetgala da l’industria farmaceutica «Interpharma».

Controlla da novs medicaments.
Legenda: La procedura da permissiun da studis clinics duai vegnir simplifitgà. Keystone

L’onn passà sajan 185 studis vegnids approvads en Svizra. Quai saja bunamain mo pli la mesadad ch’anc avant 10 onns.

La plazza da perscrutaziun svizra dovria dapli studis clinics per restar cumpetitiva, uschia la federaziun tetgala. I dettia gia emprims pass en questa direcziun. Ma vinavant stoppian tests da medicaments abusivs vegnir evitads. Quai ha suttastritgà la presidenta da la Cumissiun d’etica svizra.

Gronda concurrenza

Da sviluppar in nov medicament e laschar testar el sin l’effect, saja ina fitg impurtanta lavur. Per la diminuziun dals studis clinics en Svizra vesa Interpharma differents motivs: la Svizra saja – cumpareglià internaziunal – in pajais pitschen cun paucs pazients. E la concurrenza saja gronda. Pajais sco la China u Singapur sustegnan actualmain fermamain ils studis clinics.

E da l'autra vart saja la procedura da permissiun da studis clinics bler memia pesants. Normalmain stuessan talas permissiun vegnir giuditgadas entaifer dus mais. Quai na funcziuneschi dentant betg.

RR novitads 10:00