Siglir tar il cuntegn

Exteriur Adherents da Stadi Islamic bandunan Damascus

Dapli che 3‘500 adherents da la milissa da terror Stadi Islamic dastgan bandunar la chapitala siriana Damascus. A quest pass èn il Stadi Islamic ed il reschim sirian sa cunvegnids cun l’intermediaziun da l’ONU. Quai rapporta il post d'observaziun per ils dretgs umans da la Siria.

Plirs bus duain purtar ils extremists e lur famiglias en territoris controllads dal SI, tranter auter il center Rakka. Tranter ils extremists sa chattian era cumbattants da la front Nusra, ina margotta siriana d’Al-Kaida.

Las Naziuns Unidas spetgan tras la retratga dals cumbattants dal IS da survegnir access al champ da fugitivs Jarmuk en il sid da Damascus. Quai rapportan observaturs per ils dretgs umans. A Jarmuk spetgan millis persunas sin agid.

RR novitads 20:00