Siglir tar il cuntegn

Header

Navigaziun

La primministra Theresa May.
Legenda: La primministra Theresa May. Keystone
cuntegn

Exteriur Aderents dal Brexit fan squitsch sin Theresa May

Ils aderents dal Brexit han augmentà il squitsch sin la primministra britannica Theresa May. Damaun è l'inscunter decisiv tranter la primministra ed il president da la cumissiun da l'Uniun europeica.

En ina brev averta pretendan ils aderents dal Brexit che May smanatschia da rumper giu las tractativas – sche la cumissiun n'acceptia betg las cundiziuns maximalas da Londra.

Inscunter decisiv tranter May e Juncker

Il glindesdi s'inscuntra la primministra May cun il president da la cumissiun da l'UE Jean-Claude Juncker. Cun quella chaschun duai la primministra dir tar tge concessiuns che la Gronda Britannia saja pronta.

La dumonda la pli spinusa tar ils discurs è quant avert u restrenschì ch'il cunfin tranter l'Irlandia e l'Irlandia dal Nord duai esser. Ils aderents dal Brexit vulan che la libra circulaziun da persunas chalia anetgamain.

Controllas al cunfin pudessan separar Irlanda dal Nord

Sch'ins entschavess puspè a far controllas da cunfin pudess il conflict tranter ils naziunalist-irlandais catolics ed ils pro-britannics protestants rumper ora. Fin ussa manchian concretas propostas dentant anc.

La Gronda Britannia banduna il mars 2019 il martgà europeic ed l'uniun europeica da duana.

RR novitads 15:00