Siglir tar il cuntegn

Header

Navigaziun

Schef da biro tegna si la gasetta cun il titel scrit en tirc.
Legenda: «Nus na dain betg si»: Quai è la lingia grassa da l'ediziun da la gasetta Cumhuriyet il di suenter las arrestaziuns da ses collavuraturs (Sin il maletg: Erdem Gul, schef dal biro ad Ankara). Keystone
cuntegn

Exteriur Acziun cunter «Cumhuriyet» - U.S.A. ed UE crititgeschan Tirchia

Suenter l'Uniun europeica crititgeschan er ils Stadis Unids la Tirchia pervia da l'agir envers la gasetta da l'opposiziun «Cumhuriyet».

La regenza a Washington saja preoccupada dal squitsch statal sin medias da l'opposiziun en Tirchia ha ditg in pledader dal departament da l'exteriur. El ha appellà a la Tirchia da sa tegnair vid il stadi da dretg e da proteger ils dretgs fundamentals.

Ier aveva la polizia tirca arrestà il schef-redactur e 13 ulteriurs collavuraturs da la gasetta «Cumhuriyet». La procura publica rinfatscha als schurnalists d'avair legitimà l'emprova da putsch dal fanadur.

«Cumhuriyet» è l'unica gasetta da l'opposiziun ch'i dat anc en Tirchia.

RR novitads 09:00