Siglir tar il cuntegn

Header

cuntegn

Exteriur Activitads criminalas en l'internet s'augmentan

En il Singapur ha cumenzà il congress mundial d’Interpol. In dals gronds temas è la criminalitad en l’internet. Sco in represchentant da la regenza ha ditg en ses pled saja da quintar cun attatgas da hacker pli grondas e pli grevas che fin qua.

Tenor il represchentant da la regenza sajan ils criminals ed ils responsabels per la segirtad en l’internet en in conflict tgi che controlleschia il mund digital. Las regenzas e las interpresas stoppian lavurar ensemen per tegnair frunt a las attatgas virtualas, ha ditg il represchentant.

Criminalists, investigaders ed experts da segirtad discuteschan durant 3 dis davart la cybercriminalitad, segirezza da cunfin ed auters temas da segirtad.

Avert center da perscrutaziun

Ensemen cun il congress ha l'Interpol avert a Singapur in nov center da cumpetenza e perscrutaziun per il cumbat cunter criminalitad en l’internet. Ils custs per la cybercriminalitad giaschian mintg'onn tar pliras tschient milliardas dollars ha ditg Günter Krings, il secretari statal en il minister da l'intern da la Germania.

RR novitads 12:00

Artitgels legids il pli savens