Siglir tar il cuntegn
Inhalt

Exteriur Accident da tren a Milaun

Tar in accident da tren tranter Pilotello e Segrato hai dà almain quatter morts e 10 persunas èn vegnidas blessadas fermamain.

Dus chars da tren levamain cupitgads e blera glieud davant.
Legenda: Quatter chars èn siglids or dals binaris. Il tren da pendularis era plain. Twitter

Tar l'accident datiers da la metropola da Milaun èn almain quatter persunas mortas e 10 persunas vegnidas blessadas fermamain. Ulteriuras 90 persunas vegnian tractadas en ospitals a Milaun. Ellas sajan vegnidas transportadas en ospitals en la regiun. Indicaziuns uffizialas na datti anc betg.

Il tren regiunal è svià la gievgia a bun'ura ord raschuns anc betg enconuschentas. En tut èn quatter chars siglids ord ils binaris. Il tren era sin via da Cremona a Milaun. Quai rapporta l’agentura da novitads taliana ANSA. Ella sa referescha ad indicaziuns da forzas da salvament.

RR novitads 10:00