Siglir tar il cuntegn

Header

cuntegn

Exteriur Accident a Barcelona cun passa 50 blessads

L’accident è capità il venderdi cura ch’in tren regiunal è arrivà en ina staziun a Barcelona e n'ha betg pudì franar.

Ina da las en tut 54 persunas blessadas haja blessuras grevas. Era il locomotivist tutgia tar ils blessads. L'emprim avevan las autoritads discurrì da tschintg grev blessads.

Il tren n'haja betg pudì franar ad uras e saja siglì en in rebattider a la fin dal perrun, quai ha ina persuna da segirezza a la staziun rapportà. Cunquai ch'il tren ch'è partì la bun'ura a Terragona saja stà surchargià, haja quai da spezialmain blers blessads. Las circumstanzas exactas per l’accident n’èn dentant anc betg enconuschentas.

RR novitads 09:00

Artitgels legids il pli savens