Siglir tar il cuntegn
Inhalt

Exteriur Abolì l'independenza dal parlament da la Catalugna

La dretgira constituziunala da la Spagna ha abolì ina decisiun dal parlament a Barcelona.

Il parlament da la Catalugna ch'aveva decidì sia independenza ils 28 da fanadur 2016.
Legenda: Ils 28 da fanadur aveva il parlament da la Catalugna decidì sia independenza. Keystone

En ina communicaziun al parlament a Barcelona han ils derschaders avertì da sancziuns en cas da malobedientscha, rapporta l'agentura da novitads statala efe. Malgrà in anteriur veto dals derschaders constituziunals ha il parlament a Barcelona decidì l'emna passada da cuntinuar cun las stentas per l'independenza da la Catalugna e decidì ina separaziun unilaterala senza contractivas cun la regenza spagnola. L'opposiziun catalana ha discurrì d'in putsch cunter la democrazia.

RR novitads 17:00