ABB vul spargnar ina milliarda tar il persunal

Il concern d'electronica ed automatisaziun ABB vul spargnar enfin la fin dal 2017 ina milliarda dollars tar ils emploiads. Schebain quai saja pussaivel mo cun ina fluctuaziun natirala na saja anc betg cler, hai gì num davart dad ABB. I na saja betg sclaus ch'ins stoppia relaschar glieud.

Ulrich Spiesshofer pleda avant in microfon

Legenda da maletgs: Ha annunzià da reducir il persunal, Ulrich Spiesshofer, il schef dal concern ABB. Keystone

Er betg sclerì è nua ch'i vegn reducì plazzas. Cler saja sulettamain ch'il concern veglia daventar pli effizients e pli schlancs. Davent da l'auter onn vul ABB avair sulet anc quatter divisiuns e betg pli tschintg, uschia ha ABB communitgà ad ina dieta d'investurs a Londra. Ina divisiun raits d'electricitad vegn fundada. Quella rait duai sa spezialisar sin il provediment d'energia e l'automaziun da la rait.

RR novitads 08:00