Siglir tar il cuntegn
cuntegn

Exteriur A Vienna vegn la dretga pli gronda

Tar las elecziuns a Vienna ha la partida liberala FPÖ gudagnà ferm. La partida la pli ferma resta però la SPÖ socialdemocratica malgrà perdita da vuschs. Quai resulta da las emprimas retschertgas suenter las elecziuns.

Häupl e Strache sin sper l'auter
Legenda: Il burgamester da Vienna Michael Häupl (SPÖ, san.) e Heinz Christian Strache (FPÖ, dretg) qua cun discutar elecziuns ed emprims resultats. Keystone

La partida dals liberals FPÖ ha tenor emprimas retschertgas gudagnà 5,1% da las vuschs e vegn a total 30,9% da tut las vuschs. Per la FPÖ è quai in resultat da record en la chapitala austriacca. La SPÖ regenta resta cun 39,5% bain la partida la pli ferma a Vienna, perda però 4,9%.

La partida terz-ferma è danov la partida dals verds cun 11,6% (-1,1%) ch'èn surpassads la partida conservativa ÖVP che vegn anc sin 9,5% (-4,5%).

La retschertga

Quai tenor las retschertgas da l'institut da perscrutaziun Sora cun ina toleranza da sbagls da radund 1,3%. Las calculaziuns sa basan sin las cifras da 14% da tut ils circuits electorals. Clamads a l'urna eran radund 1,1 milliuns electuras ed electurs.

Ils resultats definitivs vegnan da raschun betg avant glindesdi.

RR novitads 20:00