Siglir tar il cuntegn
cuntegn

Exteriur 9 morts pervi dal stemprà «Niklas» en l’Europa

Il stemprà «Niklas» che ha buffà mardi ha chaschunà en l’Europa Centrala la mort d'almain 9 persunas. Pliras persunas sajan era vegnidas blessadas, rapportan agenturas da novitads.

Ina planta ch'è sa derscha sin in auto en Germania.
Legenda: Betg mo en Svizra mabain era en Germania hai dà unfrendas. Keystone

En Svizra ha il stemprà chaschunà la mort d’in um en la vischnanca d’Andelfingen en il chantun Turitg. En la Germania èn mortas 3 persunas.

Il stemprà ha procurà en l’entir Europa per disturbis tar il traffic sin via sco era tar las viafiers. Sur da la summa dals donns na datti anc betg indicaziuns.

RR novitads 7:00