Siglir tar il cuntegn
Inhalt

Exteriur 9 milliuns al mais per salvar fugitivs

Suenter il drama da fugitivs en la Mar mediterrana cun enfin 800 morts augmenta l'Uniun europeica l'agid da salvament per il traidubel. Quai han decis ier a Brüssel ils schefs da stadi e regenza da l'UE.

Fugitivs sin ina bartga en la Mar Mediterrana.
Legenda: L'UE ha augmentà sia contribuziun finanziala per salvar fugitivs. Keystone

Uschia stattan a disposiziun mintga mais 9 milliuns francs per las missiuns da cunfin da l'UE.

Plinavant vul l'UE examinar acziuns militaras cunter organisaziuns da cuntrabandists da persunas. Ils bastiments da quels duain vegnir destruids avant che quels pon vegnir nizzegiads per il transport da fugitivs.

Er la Svizra vul sa participar finanzialmain

Cussegliera federala Simonetta Sommaruga ha preschentà l’idea da la surveglianza en la Mar Mediterrana al parlament e quel è s’exprimì persuenter.

Ins saja stà unids che la preschientscha en la Mar Mediterrana stoppia vegnir rinforzada. La Svizra vegnia er a contribuir finanzialmain latiers.

En discussiun saja er stada la proposta che fugitivs pudessan puspè dumandar asil tar las ambassadas svizras. La cumissiun fissi pronta per questa introducziun dentant mo ensemen cun auters pajais.

RR novitads 06.00