Siglir tar il cuntegn
Inhalt

Exteriur 7 survegliaders da praschun hajan gidà «El Chapo» da fugir

Suenter la fugia spectaculara dal barun da drogas mexican «El Chapo» Guzman èn vegnids arrestads 7 survegliaders da la praschun.

Enrique Pena Nieto al pult cun microfons
Legenda: Il president mexican Enrique Peña Nieto communitgescha che la procura publica haja arrestà 7 survegliaders. Keystone

Als 7 survegliaders vegn renfatschà d'avair gidà «El Chapo» tar la fugia, communitgeschan las autoritads mexicanas.

La dumengia passada eran vegnids arrestads 22 collavuraturs - tranter quests er il directur da la praschun. Al schef dal cartel da drogas eri reussì avant in'emna da fugir ord la praschun tras in tunnel ch'era vegnì chavà adascus.

Dad el manca anc adina mintga fastiz.

RR novitads 10:00