Siglir tar il cuntegn

Header

Purtret da dus pumpers sin ina crana.
Legenda: Dus pumpiers vid stidar ils davos cuaditschs. Keystone
cuntegn

Exteriur 57 blessads da brischament en albiert da fugitivs

L'edifizi che l'alloschi da fugitivs sa chattava è brischà giu cumplettamain. Suenter il brischament èn 5 pesunas vegnidas arrestadas. Els duain avair mess il fieu intenziunadamain.

Sco quai ch'in pledader da la polizia Bielefeld ha ditg venderdi bun'ura èn las persunas vegnidas arrestadas gievgia saira perquai ch'els duain avair giugà cun dar fieu a las matratschas.

Ils pumpiers èn stads en acziun cun dapli che 100 persunas. La saira han els pudì vegnir sut controlla cun il fieu. Dals 57 blessads è in blessà grevamain. 27 èn vegnids tractads al lieu, ils 30 ulteriurs èn vegnids repartids sin ospitals. 25 dals blessads sajan gia relaschads da l'ospital.

Il bajetg è destruì cumplettamain. Indicaziuns tar ils custs dal brischament n'ha la polizia betg anc pudì far.

RR novitads 09:00