Exteriur - 5 morts tar in accident da helicopters en Frantscha
Tar in accident da dus helicopters militars en la Frantscha èn tschintg persunas mortas. Ils helicopters sgulavan sur il Lai da Carcès, èn colliads e crudads giu. Il motiv n'è betg anc enconuschent.
Totalmain eran tschintg persunas en ils dus helicopters ch'èn collidads e crudads giu. Tuttas persunas hajan pers la vita tar l'accident. Pertge ch'i ha dà ina collisiun na san ins anc betg.
Sco che las autoritads da la regiun da costa Var communitgeschan, sa tractia da helicopters da la scola da sgol franzosa a Cannet-des-Maures. Ils helicopters sgulavan sur il Lai da Carcès radund 50 kilometers en il nordvest da Saint-Tropez.
