Siglir tar il cuntegn

Header

Navigaziun

l'urs M25
Legenda: M25 sin territori da la vischnanca da Sent l'onn 2014 mad
cuntegn

Exteriur 5'000 euros per quel che dat indicaziuns sur dal sparir da M25

Quai rapporta «Il Giorno». La Lav, in’organisaziun per la protecziun d’animals cun sez principal a Roma, è pronta da pajar 5'000 euros per indicaziuns davart il svanir da l’urs M25. Quest n'è betg pli cumparì dapi l'avregl.

L’organisaziun Lav saja segira che blers hajan infurmaziuns davart il sparir da l’urs. Ils raps duain esser ina motivaziun da vegnir or da la sumbriva, hai num en «il Giorno».

L'organisaziun vul gidar da sclerir definitivamain il motiv e la responsabladad en connex cun il svanir da l'urs M25.

«Sto ir or dal cas che M25 è vegnì victima da fraud»

Sco quai che Martin Stadler da l’uffizi per chatscha e pestga da Bozen ha ditg envers Radiotelevisiun Svizra Rumantscha van els or dal cas che M25 è vegni sajettà d'insatgi.

Ins haja empruvà da chattar signals e fastiz, era cun la polizia. Tut senza success. E cunquai che M25 era in urs che ha adina puspè dat in egl saja quai fitg curius che da in di sin l'auter e il signal mort e l'urs sco sparì.

Responsabel uss saja la Lumbardia, la nua che l'urs era vegnì vis sco davos.

RR novitads 10:00