Da las persunas ch'èn fugidas en l'Europa derivan 85% dals pajais Siria, Irac ed Afghanistan.
Pologna dat suenter
La Pologna reagescha sin la critica cuntinuanta ed è ussa pronta da prender si fugitivs. «En vista a questa crisa umanitara sto la Pologna esser solidarica, ma er responsabla» ha ditg la scheffa da la regenza Ewa Kopacz suenter ina sesida dal cabinet. Enfin uss vul la Pologna prender si 2000 fugitivs. Kopacz lia futuras concessiuns vid 3 cundiziuns: Ina glista da stadis terzs segirs per pudair renviar migrants da paupradad, la protecziun dal cunfin exteriur da l'UE ed ina examinaziun dal fugitivs entras posts naziunals.
Entant ha l'Australia communitgà da vulair prender si 12'000 fugitivs da la Siria e quai supplementar als contingents gia concludids. Quai ha annunzià il primminister Tony Abbott. Anc dumengia aveva Abott declerà ch'ins possia recepir dapli fugitivs da la Siria be sch'ins reduceschia il dumber dals ulteriurs fugitivs.
RR novitads 06:00