Siglir tar il cuntegn
Inhalt

Exteriur 400 Curds morts las davosas 2 emnas pervi d'attatgas ord l'aria

Dapi che la Tirchia ha cumenzà cun attatgas ord l'aria cunter rebels curds en l'Irac dal nord, èn quasi 400 cumbattants curds vegnids mazzads e tuttina blers blessads.

Curdas fan in protest a Brüssel.
Legenda: En differentas citads europeicas sco qua a Brüssel han Curdas e Curds protestà cunter las attatgas tircas. Keystone

Tenor indicaziuns da las autoritads tircas sajan almain 4 manaders dals rebels e 30 cumbattantas tranter las unfrendas.

La regenza tirca ha cumenzà avant 2 emnas cun las attatgas cunter ils Curds en l'Irac dal nord. En il medem mument ha era cumenzà l'offensiva cunter la gruppa terroristica Stadi islamic. Davart da las unfrendas tar ils dschihadists n’ha la Tirchia fatg naginas indicaziuns.

RR Novitads 15:00