Siglir tar il cuntegn
Inhalt

Exteriur 4 milliuns dollars per boss da drogas mexican

Suenter ch'il boss da drogas mexican Joaquim Guzmán «El Chapo» è rut ord ina praschun d'auta segirtad en il Mexico, ha la regenza mexicana offert 3,8 milliuns dollars sco remuneraziun per tschiffar el.

La procurista generala dal Mexico, Arley Gomez, mussà ina fotografia da Guzmán.
Legenda: La procurista generala dal Mexico, Arley Gomez, mussà ina fotografia da Guzmán a la pressa. Keystone

Latiers èn il directur da la praschun ed il schef da l'autoritad d'execuziun dal chasti vegnids relaschads 2 dis suenter che Guzmán è rut ora.

Per sia fugia haja Guzmán stuì avair gì gidanters tranter ils collavuraturs da la praschun, ha ditg il minister da l'intern mexican.

Fugia sco en in film

Guzmán era fugì la sonda passada tras in tunnel cun ina lunghezza da 1,5 km. Quai malgrà che la cella da praschun da Guzmán era survegliada l’entir temp cun cameras. Era la chadaina electronica che Guzmán purtava n'ha betg gidà; ella funcziunava be entaifer la praschun.

RR novitads 16:00